சீனிவாசன் காத்து கொனண்டிருப்பான்.
ஆஹா, இந்த தொப்பை தான் நம்மை எவ்வளவு பாடு படுத்துகிறது.ஆறு மாதம் இருக்கும். தொப்பையை குறைக்க நான் படும் பாடு...
இதே சீனிவசானிடம் யோசனை கேட்டேன்.
"தினமும் காலை Jogging, Walking, Swimming போகலாம்" என்றான்.
"அதெல்லாம் கெட்ட பழக்கம். உடலை வருத்தாமல் எதாவது வழி உண்டா?" என்றேன்.
அடுத்த நாள் ஒரு இடுப்பு கச்சை(Belt?) வாங்கி வந்தான்.
"இதை அணிந்து கொண்டால் இதில் உள்ள உறுமி (Vibrator?) அதிகப்படியான கொழுப்பை குறைக்கும் " என்றான்.
நான் அலுவலகத்திலேயே அதை அணிந்து கொண்டு திரிந்தேன்.
அது எனது தொப்பையை இன்னும் பெரியதாக காட்டியதை கண்டு பயந்து பார்பதை தவிர்த்தேன். ஒரு வாரம் போனது.
எடையில் மாற்றம் எதுவுமில்லை. ஆனால், கச்சையின் உறுமி தனது உறுமலை நிறுத்தி விட்டு பரலோகம் சென்று விட்டது. கச்சையின் தயரிப்பாளரை தொடர்பு கொண்டு கேட்ட போது, அதை ஒரு நாளுக்கு 24 மணி நேரமும் உபயோகிக்க கூடாதாம். வெறுப்பு மேலிட கச்சையை சமாதி கட்டி விட்டேன்.
தேனை தினமும் காலையில் சூடான நீரில் கலந்து குடித்தால் எடை குறையும் என்று யாரோ சொல்ல, செய்து பார்த்தேன்.
தேன் பாட்டிலில் இருந்த எறும்புகள் தேனொடு என் உதட்டையும் பதம் பார்த்து விட்டன. அனுமார் போல் ஆன நான் இரண்டு நாள் அலுவலகம் செல்ல வில்லை.
1 லிட்டர் தேன் காலியானது தான் மிச்சம். முன்னேற்றம் எதுவுமில்லை.
அடுத்த வாரம் ஒரு ஹோமியோபதி மருத்துவரிடம் சென்றோம்.
அவரோ வெள்ளை கடுகு தினுசில் 26 மாத்திரைகளை தந்து காலையில் வெறும் வயிற்றில் சாப்பிட்டு வர சொன்னார்.
நான் வெளியே வந்து சீனியை கடித்தேன்.
எனது தொப்பையின் அருகே அந்த மாத்திரையை காண்பித்து,
" இத, இது குறைக்க போதா? இது என்ன சைஸ், என் தொப்பை என்ன சைஸ்?. போடா நீயும், உன் டாக்டரும்".
(தொடரும்)
No comments:
Post a Comment